Diasfees Santos Touchies

Die Punt Hoërskool Diasfees Touchies sal plaasvind op 3 en 4 Februarie te Santos strand. Ons nooi u vriendelik uit om die dag saam met ons te kom geniet.

Pryse sal uitgedeel word aan deelnemers asook wen spanne. Die SWD Arende sal Saterdag 4 Februarie 'n pret afrigtingskliniek aanbied vir laerskool leerders. Die Arende se Currie beker spelers sal dan ook deelneem in 'n vriendskaplike wedstryd teen van die ingeskrewe spanne.

Vir verder informasie kontak gerus Mnr. Tian Stemmet, Sportkoördineerder by Hoërskool Punt, of stuur 'n epos aan puntsport@gmail.com

PUNT REIK UIT NA GEMEENSKAP

Die personeel van Hoërskool Punt het hierdie weer besluit om uit te reik na die gemeenskap deur betrokke te raak by die jaarlikse Aandliga rolbal kompetisie. Die geleentheid word gebruik om heerlik te ontspan, gees te bou en ook lekker met die gemeenskap en sy lede te gesels. “Dis ‘n geleentheid om vriendskappe te bou en oues weer te herontdek. Die Punt personeel span was in aksie op die eerste teen Standard Bank en die Punt Warriors span teen die manne van Oosthuizen, Pretorius en Marias Prokureurs.   Op die foto van LINKS AGTER: Kobus Swanepoel, Arno Blom, Rudolf Botha, Tian Stemmet (sport-organiseerder), Mnr Kobus Bester (skoolhoof), Mnr Ferdie Pieterse (adjunk-hoof), Jannie Slabber

11 VISSE IN SWD TWEEKAMPSP​ANNE

Baie geluk aan die volgende Visse wat opgeneem is in die SWD Tweekamp span:
Congratulations to the following Visse whom were selected for the SWD Biathlon team:

Marichen Herald
André Swanepoel
Andrew van Wyk
Cobus van den Berg
Chante Heiberg
Ivan Janse van Rensburg
Marius Kuyler
Arno van Wyk
Anchen Streuders
Carien Strydom
Mar-Lou Smit

New Teachers at Point

Mnr. Mynhardt (Wiskunde en LO), Me. de Wet (NS en Lewenswetenskappe, M. Nel (Wiskunde, LO en Fisiese Wetenskappe), Me. Engelbrecht (Wiskunde, Fisiese Wetenskappe en Natuurwetenskappe), Mev. Lategan (Afrikaans en LO) en Mnr. Stemmet (Sportkoordineerder) het vanjaar by Hoërskool Punt aangesluit.

Eden Distriksmu​nisipalite​it wens Punt geluk

Die Uitvoerende Burgermeester van die Eden Distriksmunisipaliteit het Hoërskool Punt besoek om hulle geluk te wens met hulle puik Matriekuitslae van 2012. 16 van die Matriekklas het 'n gemiddlede A behaal. Al 188 matrieks het die jaar geslaag.
 
Tegan Sutcliffe (3de in Rekeningkunde en 10de in Ekonomie), Michelle Murdoch (7de in Rekeningkunde), Douw Steyn (7de in Ekonomie en 10de in Afrikaans Addisionele Taal), Jan Hendrik Strydom (2de in Siviele Tegnologie), Zandri Benade (1ste in Toerisme), Bianca de Vries (3de in Afrikaans Addisionele Taal) en Olga Sandilands (9de in Afrikaans Addisionele Taal) het Hoërskool Punt se naam hoog gehou op die WKOD se vakmerietelyste.

Fotos deur Herman Pieters - Eden Kommunikasie